'Ncoppa Bunea 'nce sta 'na Madunnella,
ca spanne grazie 'ncopp'a tutte quante:
a San Francisco stanno 'e Cunfessure;
'Mmiezo Vico 'nce stanno 'e putecare,
a 'mpont'a via 'nce stanno e janarune.
A Muntichiaro l'aria è fina e bella;
'mmiezo Siano stanno 'e figliulelle
ca vonno truvà 'nu 'nnammurato.
A Fornacelle stanno principe e barune,
'nce sta nennillo mio ch'è capurale.
A Papognano 'na fresca frescura,
'nce vanno e giuvinotte a festeggiare.
'Ncopp'a l'Arola so' fatecature
e fanno ogne frutto pe' nu rano.
A Priazzano fanno uoglio e nuce;
a Tecciano 'nce stanno e spasellere,
e venneno 'o mercato de la Chiano.
A Massaquano fanno e pruvulune,
so' buone cu' lu vino de lu Scrajo.
'Ncopp'a li Quonte so' tutte craparune:
vinneno 'e recottelle a'cquatt'a grano.
A Mojano 'nce stanno 'e fronne belle
vanno a Faito a far'e sarcenelle.
Gaetano AMALFI
Nessun commento:
Posta un commento